21.09c
Երեվան
շբթ, ապր 20
Իրանի դէմ Իսրայէլի ռազմական գործողութիւնը Ամերիկան գոհացնելու եւ Իսլամական Հանրապետութիւնը յուսադրելու վտանգներ կ'ընդգրկէ, յայտնած է ԱՄՆ նախկին պետական քարտուղար Մայք Փոմփէօն: Ռազմական գործողութիւնները «ոչ ոքի շահերէն կը բխին», ըսած է ան:
Փոմփէօն պաշտպանած է Թրամփի վարչակազմին որոշումը՝ դուրս գալու Գործողութիւններու համատեղ համապարփակ ծրագիրէն (ԳՀՀԾ)՝ յայտարարելով, որ անոր քաղաքականութիւնը «աշխարհը աւելի ապահով դարձուցած է իրանեան կարգէն»:
«Քասէմ Սուլէյմանիի վրայ յարձակումը ցոյց տուաւ ամբողջ աշխարհին մէջ ամերիկեան շահերը պաշտպանելու մեր պատրաստակամութիւնը: Մեր կատարած աշխատանքը կը կանխէր Իրանի կողմէ միջուկային զէնքի ձեռքբերումը»:
Անոր խօսքով՝ եթէ Թրամփի վարչակազմը եւս մէկ-երկու տարի մնար իշխանութեան ղեկին, անոր եւ Իսրայէլի միջեւ համագործակցութիւնը կրնար կանխել Իրանի միջուկային յառաջընթացը:
Փոմփէօն քննադատած է Պայտընի վարչակազմը՝ «կեղծ սկզբունքին հետեւելու եւ անոր վերադառնալու համար», որուն համաձայն՝ Իսրայէլը կը համարուի անօրինական գրաւող եւ այդ ժամանակակից հակասեմիթիզմի դրսեւորում համարած է:
«Գրաւումը իրաւաբանական եզր է, որու սահմանումը օրէնքով չի տարածուիր Իսրայէլ պետութեան վրայ», ըսած է Փոմփէօ՝ յաւելելով, որ Իսրայէլի աջակցութիւնը ԱՄՆ-ին ամերիկեան հայրենասիրութեան արտայայտում է:
Փոմփէօ ըսած է, որ Երուսաղէմի մէջ պաղեստինցիներու համար ԱՄՆ հիւպատոսութեան բացումը «սարսափելի գաղափար է ԱՄՆ-ին, Իսրայէլին եւ պաղեստինցիներուն համար»:
