Իսրայէլ մտահոգ է. Արդեօ՞ք «Հըզպալլա» պիտի հարուածէ Քարիշ նաւթահորի կեդրոնը

Իսրայէլ մտահոգ  է. Արդեօ՞ք  «Հըզպալլա» պիտի հարուածէ Քարիշ նաւթահորի կեդրոնը

Իսրայէլեան բանակը կը պատրաստուի կազային հարթակի՝ «Հըզպալլայի յարձակման» հնարաւորութեան, երբ Լիբանան կը նախազգուշացնէ վիճելի ջուրերուն մէջ Իսրայէլի որեւէ «յարձակողական գործողութենէ»:

 

Իսրայէլեան լրատուամիջոցները յայտնած են, որ բանակը կ'ակնկալէ, որ Հըզպալլան թիրախաւորէ Քարիշ հանքավայրէն կազ արդիւնահանելու նոր հարթակը, որ Կիրակի օր տեղադրուած է բրիտանա-յունական «Energean» հետախուզական ընկերութեան կողմէ` Հայֆայէն 80 քիլոմեթր հիւսիս-արեւմուտք գտնուող հանքավայրին մէջ:

Իսրայէլեան «Քան» հեռուստաալիքը յայտնած է, որ բանակը կը պատրաստուի կազային հարթակի՝ «Հըզպալլայի յարձակման» հնարաւորութեան, երբ Լիբանան կը նախազգուշացնէ վիճելի ջուրերուն մէջ Իսրայէլի որեւէ «յարձակողական գործողութենէ»:

Իսրայէլեան հեռուստաալիքը յայտարարած է, որ անվտանգութեան ծառայութիւնները նիստ կատարած են` գնահատելու իրավիճակը, երբ Energean հարթակը լքած է Սինկափուրի նաւահանգիստը դէպի իսրայէլ անցեալ Մայիսին:

Ան նշած է, որ Իսրայէլի եւ Energean ընկերութեան միջեւ կնքուած պայմանագրերը կը նախատեսեն, որ հարթակի ապահովումը ընկերութեան պարտականութիւններէն է, իսկ «ջրային տարածքի անվտանգութեան» պատասխանատուութիւնը` իսրայէլեան բանակի ուսերուն է:

Բրիտանա-յունական ընկերութիւնը նախօրէին տեղադրած է հարթակը եւ յայտարարած է, որ կազի արդիւնահանումը պիտի սկսի 3 ամսուայ ընթացքին, կը յայտնէ Haaretz կայքը, մինչդեռ Իսրայէլի հանրային հեռարձակողը եւ ռատիօն նշած են, որ «իսրայէլեան նաւատորմը կը հսկէ հարթակը եւ ապահոված է անոր փոխադրութիւնը Սուէզի նեղուցէն դուրս գալէն ի վեր, գալով Սինկափուրէն:

Անցեալ շաբաթ Իսրայէլի Քնեսեթի տնտեսական հարցերու յանձնաժողովը հաստատած է նոր կազային հարթակէն 1500 մեթր հեռաւորութեան վրայ ծովային նաւարկութիւնը արգիլող հրամանը:

Լիբանանը դատապարտած է Energean ընկերութեան նոր հարթակի տեղադրումը Լիբանանի եւ բռնագրաւուած Պաղեստինի միջեւ վիճելի տարածքի կեդրոնին: