14.09c
Երեվան
ուրբ, ապր 25
Իսրայէլի պաշտպանութեան նախարար Իսրայէլ Քացը յայտարարած է Կազայի հատուածին մէջ Իսրայէլի պաշտպանութեան բանակի գործողութիւններու ընդլայնման մասին:
«Արմէնփրէս»-ի հաղորդմամբ՝ այդ մասին գրած է The Times of Israel-ը։
Քաց յայտարարած է, որ նպատակն է մաքրել շարք մը շրջաններ «ահաբեկիչներէ ու անոնց ենթակառուցուածքներէն, հսկայական տարածք գրաւել, որ պիտի միացուի Իսրայէլ պետութեան անվտանգութեան գօտիներուն»:
Ան նաեւ կոչ ըրած է անկլաւի բնակիչներուն «հիմա դէպի առաջ շարժելու «Համաս»-ը տապալելու եւ բոլոր պատանդները վերադարձնելու համար»։
Բացի այդ, հրատարակութիւնը, վկայակոչելով պաղեստինեան կողմը, հաղորդած է, որ իսրայէլեան ցամաքային ուժերն սկսած են գործել անկլաւի հարաւը գտնուող Ռաֆահ քաղաքի քանի մը հատուածներուն մէջ։
Ապրիլ 1-ին Իսրայէլի բանակը Ռաֆահի եւ մերձակայ շրջաններու բնակիչները նախազգուշացուցած էր տուեալ գօտին լքելու անհրաժեշտութեան մասին՝ անոնց խորհուրդ տալով տեղափոխուիլ ալ Մաուասիի ափամերձ մարդասիրական գօտիին մէջ գտնուող վրանային ճամբարներ:
