26.09c
Երեվան
կրկ, սպտ 06
Իսրայէլի զինուորականները հարուածներու նոր շարք հասցուցած են Հարաւային Լիբանանի մէջ «Հըզպալլա» կազմակերպութեան կառոյցներուն։ Այս մասին յայտնած է բանակի մամլոյ ծառայութիւնը։
Բանակի յայտարարութեան համաձայն՝ այդ հարուածները հասցուած են ի պատասխան Հարաւային Լիբանանի այսպէս կոչուած ապահովութեան գօտիին մէջ գտնուող իսրայէլացի զինուորներուն դէմ «Հըզպալլա»-ի ջոկատներուն կողմէ իրականացուած յարձակման։ Ուրբաթ երեկոյեան անոնց ուղղութեամբ անօդաչու թռչող սարք արձակուած էր։ Զինուորականներուն մէջ տուժածներ չկան։
Ի պատասխան՝ Իսրայէլի բանակը հարուածած է «Հըզպալլա»-ի ռազմական ենթակառոյցներու կեդրոնները, ներառեալ՝ զէնքի պահեստները, ինչպէս նաեւ հակառակորդի անձնակազմը։
«Հարուածները հասցուած են անմիջական սպառնալիքը վերացնելու նպատակով», յայտնած են բանակի մամլոյ ծառայութենէն՝ միաժամանակ նշելով, որ Իսրայէլ հաւատարիմ կը մնայ Հարաւային Լիբանանի մէջ հրադադարի մասին համաձայնագրին։
