1.09c
Երեվան
երկ, մրտ 10
Իսրայէլը մշտական բանակցութիւններ կը վարէ ԱՄՆ-ի հետ Իսրայէլի, Ատրպէյճանի եւ ԱՄՆ-ի միջեւ եռակողմ համագործակցութեան ամուր հիմք ստեղծելու շուրջ, գրած է Jerusalem Post-ը՝ յղում ընելով Իսրայէլի վարչապետի գրասենեակին:
«Ատրպէյճանը Կովկասի մէջ Իսրայէլի կարեւոր ռազմավարական դաշնակիցն է։ Երկկողմ յարաբերութիւնները կը ներառեն համագործակցութիւն անվտանգութեան, առեւտուրի, արհեստագիտութիւններու եւ ուժանիւթի ոլորտներու մէջ»,- պարբերականը մէջբերած է Իսրայէլի վարչապետի գրասենեակի հաղորդագրութիւնը:
Պարբերականը նշած է, որ այս յայտարարութիւնը նախորդած է Քնեսէթի մէջ «Իսրայէլի եւ Ատրպէյճանի միջեւ ռազմավարական դաշինքի ամրապնդումը» թեմայով քննարկումներուն:
Քնեսէթի պատգամաւոր Սիմոն Մոշիաշվիլին քննարկումներու ժամանակ յայտարարած է Ատրպէյճանի հետ ռազմավարական դաշինքի ամրապնդման անհրաժեշտութեան մասին:
