28.09c
Երեվան
երկ, օգս 25
Մեր տեղեկութիւններով Վերին Լարսի անցակէտէն գիւղմթերքով, սալորով, դեղձով, խաղողով բեռնուած հարիւրաւոր մեքենաներ կը վերադառնան: Այս մասին դիմատետրեան իր էջին գրած է ԱԺ «Հայաստան» խմբակցութեան պատգամաւոր Գառնիկ Դանիէլեան։
«Բեռնափոխադրողներն ահազանգում են, որ իրենց չի տրւում յստակ պատճառաբանութիւն, խօսւում է բուսասանիտարիայի (բոյսերու առողջութիւն) հետ կապուած ինչ որ խնդիրների մասին:
Այս ամէնի հետեւանքով հսկայական վնասներ են կրում գիւղացիները, գիւղատնտեսութեամբ զբաղուողները:
Նշեմ, որ այլ ապրանքներով բեռնուած բեռնատարներ եւս ենթարկւում են մանրակրկիտ զննման, ինչի հետեւանքով խոչընդոտւում է վերջիններիս մուտքը Ռուսաստանի Դաշնութիւն:
Մասնաւորապէս, խնդիրների են բախւում շինանիւթ փոխադրող մեքենաները, ինչն աննախադէպ է այս ոլորտի պարագայում:
Բազմաթիւ բեռնատարներ անորոշութեան մէջ դեռեւս սպասում են որոշման:
Ինչպէս միշտ, պատկան մարմինների կողմից չկայ համապատասխան արձագանգ, գործողութիւններ:
Ակնյայտ է, որ խնդիրը միայն տնտեսական չէ, ունի քաղաքական ենթատեքստ։
Շնորհաւոր «Թրամփի ճանապարհ»»:
