5.09c
Երեվան
կրկ, դկտ 22
Հայաստանն ու Արցախը կանգնած են Ատրպէյճանի կողմէ պատերազմի իրական վտանգի առաջ, այս մասին յայտարարած է Միացեալ Նահանգներու քոնկրէսական Ատամ Շիֆը:
«Ցնցող էր տեսնել հայերու հանդէպ ցեղասպանութիւն քարոզող պաստառներ: Մենք բոլորս պէտք է խստօրէն դատապարտենք այս մոլեռանդութիւնը:
Հայաստանն ու Արցախը կանգնած են Ատրպէյճանի կողմէ պատերազմի իրական վտանգի առաջ: Համայնքը կարիք ունի աջակցութեան, այլ ոչ թէ ատելութեան»,- «Թուիթըր»ի էջին գրած է Շիֆը:
Յիշեցնենք՝ Պեւըրլի Հիլզի շրջակայքին մէջ յայտնաբերուած է հակահայկական բովանդակութիւն պարունակող աւելի քան 10 թռուցիկ:
Ատելութեամբ լեցուած թռուցիկները Պեւըրլի Հիլզի մէջ յայտնուած են Արցախի շրջափակման դէմ իրականացուած ցոյցերէն ետք:
Սիւներու վրայ փակցուած թռուցիկներուն մէջ կը խրախուսուի «հայերը աշխարհի քարտէզէն ջնջելու» քաղաքականութիւնը։
«Ատրպէյճան, Թուրքիա, Փաքիստան, Իսրայէլ = 4 եղբայր, որոնք Հայաստանը պիտի ջնջեն քարտէզէն. Ինշալլահ!!!»,- գրուած է թռուցիկին մէջ:
