4.09c
Երեվան
երկ, դկտ 02
Հայաստանի մէջ բնակչութեան 42,8 %-ի կարծիքով՝ Ռուսիոյ հետ յարաբերութիւններու խզումը Հայաստանի շահերէն չի բխիր։
Այս մասին 4 մարտին հրաւիրուած մամուլի ասուլիսին ներկայացուցած է «GALLUP International Association»-ի Հայաստանի մէջ լիիրաւ անդամ «Էմ Փի ՋԻ» ընկերութեան տնօրէն Արամ Նաւասարդեանը՝ ներկայացնելով փետրուար 26-28-ն ինկած ժամանակահատուածին 1100 մարդու հետ եղած հեռախօսային հարցման տուեալները։
Քաղաքացիներուն հարց ուղղուած է Նիկոլ Փաշինեանի՝ Հաւաքական անվտանգութեան պայմանագրի կազմակերպութեան (ՀԱՊԿ) մէջ Հայաստանի անդամակցութիւնը սառեցնելու վերաբերեալ յայտարարութեան մասին, որ աւելի շատ կը մօտեցնէ հայ-ռուսական յարաբերութիւններու ամբողջ համալիրի խզման։
Հարցին՝ արդեօք հայ-ռուսական յարաբերութիւններու խզումը կը համապատասխանէ Հայաստանի եւ հայ ժողովուրդի ռազմավարական շահերուն, հարցուածներու 23,2 %-ը պատասխանած է՝, որ լիովին կը համապատասխանէ, 13,9 %-ի կարծիքով՝ աւելի շատ կը համապատասխանէ, 16,1 %-ի կարծիքով՝ աւելի շատ չի համապատասխաներ, իսկ 42,8 %-ի կարծիքով՝ ընդհանրապէս չի համապատասխաներ։
Հարցուած քաղաքացիներու 4,8 %-ը դժուարացած է պատասխանել։
«Եթէ տեսնում էք, շուրջ 58 %-ը նշել է, որ դա չի համապատասխանում հայերի շահերին»,-նշած է Նաւասարդեանը։
