5.09c
Երեվան
կրկ, փտր 15
«Հայաստան» եւ «Պատիւ ունեմ» խմբակցութիւնները յայտարարութիւն տարածած են․
«Հայաստանի Սահմանադրութիւնը պահանջում է, որ Հանրապետութեան նախագահը պէտք է լինի անաչառ, առաջնորդուի համազգային եւ համապետական շահերով:
Հայաստանն այսօր ներքին ու արտաքին լրջագոյն մարտահրաւէրներ է դիմագրաւում:
Համազգային համախմբումը, հանրային համերաշխութիւնն այլընտրանք չունեն:
Բայց երկիրը կործանման եզրին հասցրած, հասարակութիւնը պառակտած այս իշխանութիւնը որոշել է շարունակել նոյն գործելաոճը եւ առաջնորդուել ոչ թէ պետական, այլ միմիայն իր նեղ թիմային շահերով:
Չնայած Նախագահի ինստիտուտը պէտք է հանդէս գայ որպէս իրապէս չէզոք եւ հասարակութեանը համախմբող ինստիտուտ, օրուայ իշխանութիւնը որոշել է առաջադրել եւ միայնակ ընտրել բացառապէս սեփական ուժի Հանրապետութեան նախագահ:
Միջազգային հանրութիւնը անգործութիւն եւ լռութիւն է պահպանում ժողովրդավարութեան նահանջի ակնյայտ փաստերի հանդէպ, այդ թւում` մէկ անձի բռնապետութեան ձեւաւորման առումով:
Մենք քննարկել ենք թեկնածու առաջադրելու նպատակայարմարութիւնը, սակայն ստեղծուած իրավիճակում անընդունելի եւ սխալ ենք համարում նոյնիսկ անուղղակի ձեւով այդ ընտրութեան օրինականացմանը մասնակցելը:
Ելնելով այս հաստատումներից Ազգային ժողովի «Հայաստան» եւ «Պատիւ ունեմ» խմբակցութիւնները որոշել են որեւէ կերպ չմասնակցել Հանրապետութեան նախագահի ընտրութեանը»:
