-0.91c
Երեվան
երք, դկտ 03
Պաղեստինեան արմատական «Համաս» խմբաւորումը մտադիր չէ հրապարակել իր նոր առաջնորդի անունը։ Այս մասին յայտնած է BBC-ն՝ յղում ընելով խմբաւորման ներկայացուցչին։
«Համաս»-ը, անվտանգութեան նկատառումներէ ելլելով, ամենայն հաւանականութեամբ հրապարակայնօրէն չի բացայայտեր իր նոր առաջնորդի ինքնութիւնը, ըսած է ան: Իսկ մինչ ղեկավարի ընտրութիւնը շարժումը պիտի գլխաւորէ հինգ հոգիէ բաղկացած յանձնաժողովը։
Յիշեցնենք, որ Իսրայէլը վերջին կէս տարուան մէջ սպանած է «Համաս»-ի ղեկավար Իսմայիլ Հանիէն, ապա՝ անոր յաջորդած Եահիա Սինուարը:
Սինուարի ենթադրեալ իրաւայաջորդներու շարքին են Մուհամետ Տերուիշան, Խալիլ ալ Հայան, Մուհամետ Նազալը եւ Խալետ Մեշաալը:
Նշենք, որ Արեւմուտքը Սինուարի սպանութենէն ետք յայտարարած է, որ այժմ Մերձաւոր Արեւելքի մէջ հրադադարի համար «նոր հեռանկար» կը բացուի:
