-8.91c
Երեվան
ուրբ, փտր 28
Պաղեստինեան «Համաս» շարժումը յայտարարած է, որ պիտի ազատէ մնացած պատանդները միայն այն պարագային, եթէ պահպանուի Իսրայէլի հետ հրադադարի համաձայնագիրը: Այս մասին գրած է Reuters-ը՝ յղում ընելով շարժման յայտարարութեան։
Գործակալութեան տուեալներով՝ շարժումը աւելցուցած է, որ պատրաստ է բանակցութիւններ սկսելու համաձայնագրի երկրորդ փուլի շուրջ։
Աւելի վաղ Al Jazeera-ն յայտնած էր, որ պաղեստինեան «Համաս» շարժումը Կազայի հատուածին մէջ Կարմիր խաչի միջազգային կոմիտէին յանձնած է չորս պատանդներու մարմինները։
Յունուար 19-էն Իսրայէլի եւ պաղեստինեան «Համաս» շարժման միջեւ ձեռք բերուած պայմանաւորուածութեան համաձայն Կազայի հատուածին մէջ հրադադար կը գործէ։ Համաձայնագիրը կ՚ենթադրէ իսրայէլցի պատանդներու ազատ արձակում՝ իսրայէլեան բանտերու մէջ գտնուող պաղեստինցի բանտարկեալներու դիմաց։
