4.09c
Երեվան
ուրբ, նմբ 21
Միացեալ Նահանգներու մէջ Հայաստանի դեսպան Նարեկ Մկրտչեանը Google-ի կեդրոնակայանին մէջ ընկերութեան ներկայացուցիչներու հետ քննարկած է հայկական մշակութային ժառանգութեան թուայնացման հնարաւորութիւնը Google Arts&Culture-ի միջոցով։ Այս մասին յայտնած են Միացեալ Նահանգներու մէջ Հայաստանի դեսպանութենէն։
Նոյեմբեր 20-ին դեսպան Նարեկ Մկրտչեանը Սան Ֆրանսիսքոյի մէջ այցելած է Google-ի կեդրոնակայան, ուր հանդիպում ունեցած է կազմակերպութեան արհեստական բանականութեան կիրառման ռազմավարութեան ղեկավար Հրաչ Աչաջեանի (Head of AI GTM) հետ։ Հանդիպման ներկայ եղած են Լոս Անճելըսի մէջ Հայաստանի գլխաւոր հիւպատոս Կարէն Իսրայէլեանը, Google-ի միջազգային համագործակցութեան խումբի ներկայացուցիչ Ռաւէն Պելամին, ինչպեէ նաեւ ընկերութեան ներկայացուցիչ Գոհար Գալեանը։
«Հանդիպմանը քննարկուել են համագործակցութեան հնարաւոր ուղղութիւնները, արհեստական բանականութեան եւ առաջատար տեխնոլոգիաների զարգացման հեռանկարները, հայկական մշակութային ժառանգութեան թուայնացման հնարաւորութիւնը Google Arts&Culture-ի միջոցով, ինչպէս նաեւ այն ոլորտները, որտեղ Google-ի փորձառութիւնը կարող է առաւել նպաստել Հայաստանի տեխնոլոգիական էկոհամակարգի ամրապնդմանը»,-յայտնած են դեսպանութենէն։
