4.09c
Երեվան
կրկ, դկտ 22
Բերիոյ Թեմի Բարեջան Առաջնորդ Գերշ. Տ. Մակար Արք. Աշգարեան այցելած է Քեսապ, վկայելու Ազգային Ուսումնասիրաց Ճեմարանի 9-րդ եւ 12-րդ դասարանի աշակերտ աշակերտուհիները։
Այցի ծիրէն ներս ան եղած է նաեւ Քեսապի Ս.Աստուածածին եկեղեցի, հետեւած շինարարական աշխատանքներուն, եւ այցելած է ՀՄԸՄ-ի բանակումի մասնակիցներուն։
Այս մասին «Արեւելք» տեղեկացաւ Քեսապի Ս. Աստուածածին եկեղեցւոյ եւ ՀՄԸՄ Քեսապ դիմատետրեան էջերէն։
Ստորեւ՝ եղած հրապարակումները՝
Սրբազան հայրը ժամանեց Քեսապի Ս. Աստուածածին եկեղեցի
Չորեքշաբթի, 26 Յունիս 2024-ին կէսօրին ժամը 2:00-ին Քեսապի Ս. Աստուածածին եկեղեցի ժամանեց Թեմիս Բարեջան Առաջնորդ Գերշ. Տ. Մակար Արք. Աշգարեան եւ Ազգային վարչութեան անդամ Տիար Արմէն Գասպարեանը։
Սրբազան Հայրը եւ անոր ընկերակցող պատուիրակութիւնը դիմաւորեցին Քեսապի Ս.Աստուածածին եկեղեցւոյ Հոգեւոր Տեսուչ՝ Հոգշ. Տ. Եսայի Վրդ. Էօրտէքեան, Թաղականութեան անդամները եւ Գաւառական ժողովի անդամ Տիար. Նշան Լնդեան։
Այցելութեան ընթացքին Սրբազան Հայրը մօտէն հետեւեցաւ եկեղեցւոյս շինարարական աշխատանքներուն, որ արագ կերպով կ'ընթանայ եւ բարձրօրէն գնահատեց եւ յաջողութիւն մաղթեց։
Սրբազան հօր այցելութիւնը «ԿԻԼԻԿԻԱ» Բանակավայր
Բանակավայրին այցելութիւն տուաւ Բերիոյ Հայոց Թեմի Բարեջան Առաջնորդ`Գերշ. Տ. Մակար Սրբ. Արք. Աշգարեանը եւ Ազգային Վարչութեան անդամ` տիար Արմէն Գասպարեանը։
Սրբազան հօր ընկերակցեցաւ գիւղիս հոգեւոր տեսուչ` Տ. Եսայի Վրդ. Էօրտէքեանը։ Այցելութեան ընթացքին Սրբազան հայրը մտերմիկ զրոյց մը ունեցաւ բանակող քոյրերուն եւ եղբայրներուն հետ, գնահատեց Հ.Մ.Ը.Մ.֊ի Քեսապի մսնճ.֊ի տարած աշխատանքը եւ նորանոր յաջողութիւններ մաղթեց մասնաճիւղին։
