0.09c
Երեվան
կրկ, դկտ 22
Ատրպէյճանը Իրան վերադարձուցած է բեռնակառքերու երկու վարորդները: Այս մասին յայտարարած է Ատրպէյճանի պետական մաքսային կոմիտէն:
«Ատրպէյճանի Հանրապետութիւնը, ելլելով մարդասիրութեան, փոխադարձ յարգանքի եւ բարիդրացիութեան սկզբունքներէն եւ բարի կամք դրսեւորելով, համապատասխան պայմանաւորուածութեան համաձայն, 21 Հոկտեմբերի առաւօտեան Իրանին վերադարձուցած է այդ երկրի երկու քաղաքացիները», ըսուած է հաղորդագրութեան մէջ: Գերատեսչութիւնը որպէս ձերբակալութեան հիմք կը նշէ «ապրանքներու մաքսանենգ կատարումը Ատրպէյճանի մաքսային սահմանով, ինչպէս նաեւ՝ երկրի պահպանուող պետական սահմանի ապօրինի հատումը առանց փաստաթուղթերու եւ անցակէտերու շրջանցմամբ»:
Յիշեցնենք, որ Գորիս-Կապան ճանապարհի հատուածին ատրպէյճանցի իրաւապահներու կողմէ 15 Սեպտեմբերին անօրինական կերպով երկու իրանցի վարորդ բերման ենթարկուած էր:
