29.09c
Երեվան
երկ, սպտ 09
«Արեւելք» (Փարիզ),- Շաբաթներ առաջ Ֆրանսահայ շրջանակներ գուժեցին մահը գործարար եւ նախաձեռնող, փաստաբան Ռեմոն Եզեկելեանի մահը։
Ասոր մասին օրին իմացանք էինք Փարիզի մեր պաշտօնակից՝ «Նոր Յառաջ» պարբերականէն։
Ստորեւ կը ներկայացնենք մեր աղբիւրին մէջ լոյսին տրուած հակիրճ մահագրութիւնը։
Ֆրանսահայ համայնքը, կը շարունակէ մնալ վառ եւ աշխոյժ, իսկ Ռեմոն Եզեկելեանի նման ազգայիններու կորուստը յաճախ վեր կը հանէ այն էական հարցումը, որ մեզմէ հեռացող եւ այս աշխարհէն մեկնողներուն փոխարինողներ պիտի ըլլան։
Յուսանք։
Ստորեւ մահագրութիւնը։
Ցաւով տեղեկացանք, թէ 89 տարեկանին իր մահկանացուն կնքած է գաղութիս ծանօթ դէմքերէն փաստաբան, գործարար եւ բարերար Ռեմոն Եզեկէլեան։
Ան շատ սերտ կապեր հաստատած էր Հայաստանի եւ իր արհեստին բերումով ալ՝ Հայաստանի Փաստաբանական կաճառին հետ։ Իր հիմնական արհեստին զուգահեռ՝ ծաւալած է զբօսաշրջական ոլորտէն ներս գործարարական ասպարէզ, պանդոկներ բանեցնելով ափրիկեան հեռաւոր Գոթ տ՚Իվուառէն մինչեւ Փարիզ ու Երեւան, ինչ որ իրեն ապահոված է նիւթական բարեկեցութիւն եւ թոյլ տուած կատարել բարեսիրական բազմաթիւ նախաձեռնութիւններ՝ յատկապէս հայրենի ուսանողներու կրթաթոշակներ, նորընծայ փաստաբաններու Ֆրանսայի մէջ վարժընթացներու հովանաւորում, վիրաւոր զինուորներու ընտանիքներու օգնութիւն…։ Ան նաեւ բաւական կարեւոր նիւթական նպաստ ապահոված է “Nouvelles d’Arménie Magazine”-ին իր պանդոկներու առատ ծանուցումներով։ Եզեկէլեան նաեւ վերջին քանի մը տարիներու ընթացքին նախաձեռնած էր «Նոյեան Տապան» ֆրանսերէն-անգլերէն առցանց թերթի հրատարակութեան, որ կ՚առաքուի անվճար յատկապէս իր բարեկամներու շրջանակին, բայց ոչ միայն։ ■
