16.09c
Երեվան
չրք, հնս 18
Հայց. Առաքելական Եկեղեցւոյ Պրազիլիոյ Թեմի Առաջնորդ Գերշ. Տ. Նարեկ Եպս. Պէրպէրեան հաւատացեալներուն պատգամ մը յղելով ըսած է, թէ «Տէր Աստուած կ’առաջնորդէ մեզ խաղաղութեան, ճշմարտութեան եւ յաւերժական կեանքի: Մեր կեանքը նպատակ ունի եւ մենք կանչուած ենք ուղղուելու դէպի Եկեղեցի, դէպի Քրիստոս»։
Այս ուղենշային խօսքերուն մասին «Արեւելք» կարդաց Գերշ. Տ. Նարեկ եպս. Պէրպէրեանի դիմատետրի էջէն։
Ստորեւ այդ գրառումը՝
Գերշ. Տ. Նարեկ արք. Պէրպէրեան մասնաւորապէս կ՚ըսէ՝ «Թող այս աստուածային դրոշմը առաջնորդէ ձեր ուղին յաւերժական կեանքի ճանապարհով, որպէսզի չի շեղիք անկէ:
Այս օրհնութիւնը, կը յայտարարուի, երբ մենք մեր ոտքերը կ’օծենք Մայր Եկեղեցւոյ մկրտութեան ժամանակ, ան կը կռէ լուռ, բայց հզօր ուղերձ մը. Թէ քու ճանապարհդ կարեւոր է:
Աղմկալի, շփոթ եւ մոլորեցնող դիւրանցուկներով աշխարհի մը մէջ այս դրոշմը Աստուծոյ մեղմ ձայնն է՝ ըսելու մեզի. Թող որ առաջնորդեմ քայլերդ: Մկրտութեան պահը չէ միայն կարեւորը, այլ իւրաքանչիւր քայլափոխ անկէ ետք: Ո՞ւր կ’առաջնորդեն քեզ ոտքերդ: Խաղաղութիւն հայցելու, ճշմարտութիւն փնտռելու եւ յաւերժական կեանքի՞. Թէ՞ փուճ ճանապարհներով թափառելու, որոնք միայն յոգնածութիւն կը բերեն:
Այս դրոշմը մեզ կը յիշեցնէ, թէ քալելը միայն շարժիլ չէ, այլ ուղղութիւն եւ նպատակ ունենալն է: Այլ խօսքով տարբերութիւնն է թափառելուն եւ հասնելուն միջեւ:
Մենք կանչուած ենք ուղղուելու դէպի Եկեղեցի, դէպի Քրիստոս, դէպի կեանք, ոչ թէ միայն կիրակի օրերը, այլ ամէն օր։
Իւրաքանչիւր ընտրութիւն քայլ մըն է։ Իւրաքանչիւր աղօթք,՝ սիրոյ արարք մը: Ամէն անգամ, որ մենք կռնակ կը դարձնենք սխալին եւ կ’ընտրենք ճիշդը, քալած կ’ըլլանք ճիշդ ճամբուն մէջ:
Թող այս աստուածային դրոշմը յիշեցնէ ձեզ, որ ձեր քայլերը սուրբ են: Որ ձեր ուղին նպատակակէտ ունի: Եւ թէ յաւերժական կեանքը պարզապէս հեռաւոր երազանք մը չէ, այլ կը սկսի, երբ մենք կը քալենք ճիշդ ուղղութեամբ՝ իւրաքանչիւր հաւատարիմ քայլափոխով»։
