ԵԱՀԿ կ'ողջունէ Անգարայի ներդրումը հայ-ատրպէյճանական յարաբերություններու կարգաւորման գործընթացին

ԵԱՀԿ կ'ողջունէ Անգարայի ներդրումը հայ-ատրպէյճանական յարաբերություններու կարգաւորման գործընթացին

Եւրոպայի համագործակցութեան եւ անվտանգութեան կազմակերպութեան (ԵԱՀԿ) գլխաւոր քարտուղար Հելկա Շմիտ Անգարայի մէջ Դեսպաններու 13-րդ համաժողովի բացման յայտարարած է, որ կ'ողջունէ Թուրքիոյ եւ Հայաստանի ջանքերը յարաբերութիւններու կարգաւորման ուղղութեամբ:

Այս ծիրէն ներս ան աւելցուցած է, որ պիտի հանդիպի Թուրքիոյ՝ Հայաստանի հետ յարաբերութիւններու կարգաւորման գծով յատուկ ներկայացուցիչ Սերտար Քըլըչի հետ, գրած է Anadolu գործակալութիւնը:

Շմիտ նաեւ նշած է, որ Թուրքիոյ ներդրումը Հայաստանի եւ Ատրպէյճանի միջեւ յարաբերութիւններու կարգաւորման գործընթացին եւ շահագրգիռ կողմերու հետ աշխատիլը շատ կարեւոր է իրենց համար։

Յիշեցնենք, որ Հայաստան-Թուրքիա երկխօսութեան գործընթացին մէջ Հայաստանի յատուկ ներկայացուցիչը Ազգային Ժողովի փոխնախագահ Ռուբէն Ռուբինեանն է, իսկ Թուրքիոյ կողմէ՝ ԱՄՆ-ի մէջ Թուրքիոյ նախկին դեսպան Սերտար Քըլըչը, որոնք արդէն  քանի մը հանդիպում ունեցած են: