32.09c
Երեվան
ուրբ, օգս 08
Գլխաւոր դատախազութիւնը կ՚ուզէ անվաւեր ճանչնալ Պաշտպանութեան նախարարութեան եւ Հայաստանեայց Առաքելական Սուրբ Եկեղեցւոյ միջեւ կնքուած նուիրատւութեան պայմանագիրը: Նախարարութիւնը Եկեղեցիին շէնք-շինութիւններ եւ հողատարածք նուիրած էր: Այս մասին գրած է «Հետք»ը։
Դատախազութիւնը գործարքն անվաւեր ճանչնալու եւ անվաւերութեան հետեւանքներ կիրառելու պահանջներու մասին Պաշտպանութեան նախարարութեան եւ Եկեղեցւոյ դէմ ներկայացուած հայցադիմումը Հակակոռուպցիոն դատարան ներկայացուցած է 2025թ. յուլիս 30-ին եւ դեռ վարույթ ընդունուած չէ:
Գլխաւոր դատախազութենէն «Հետք»ին պարզաբանած են, որ պետական շահերու պաշտպանութեան լիազօրութիւններու շրջածիրէն ներս ուսումնասիրուած է Կառավարութեան 2018թ. մարտ 29-ի «Հայաստանեայց Առաքելական Սուրբ Եկեղեցւոյ» գոյք նուիրելու մասին որոշումը:
Նշուած որոշման հիման վրայ` 2019թ. օգոստոս 30-ին Պաշտպանութեան նախարարութեան եւ Եկեղեցւոյ միջեւ կնքուած է անշարժ գոյքի նուիրատւութեան պայմանագիր: Նախարարութեան տրամադրուած, պետական սեփականութիւն հանդիսացող ընդհանուր 9427.3 քմ մակերեսով շէնք-շինութիւնները եւ 8,9 հա մակերեսով յատուկ նշանակութեան հողամասն անհատոյց օտարուած է Հայաստանեայց Առաքելական Սուրբ Եկեղեցւոյ:
