4.09c
Երեվան
ուրբ, նմբ 14
Հայաստանի փոխվարչապետ Մհեր Գրիգորեանը յայտնած է, որ Ատրպէյճանի տարածքով դէպի Հայաստան ռուսական հացահատիկ տեղափոխող գնացքը շուտով պիտի հասնի Հայաստան։ Այս մասին յայտնած է «Արմէնփրէս»-ը։
Փոխվարչապետը յայտնած է, որ այս պահուն Ռուսիայէն դէպի Հայաստան հացահատիկ տեղափոխող գնացքն արդէն կ՚անցընի Ատրպէյճանի տարածքով՝ դէպի Վրաստան:
«Ռուսական հացահատիկ տեղափոխող գնացքը շուտով կը ժամանի Հայաստան: Օգտուելով առիթից՝ ուզում եմ նշել, որ բարձր եմ գնահատում ադրբեջանցի եւ ռուս իմ գործընկերների այս ուղղութեամբ կատարած աշխատանքը: Այս իրադարձութիւնը մեծ նշանակութիւն ունի փոխվստահութեան ամրապնդման եւ խաղաղութեան օրակարգի առաջմղման համար»-ըսած է Գրիգորեանը։
Տնտեսութեան նախարար Գէորգ Պապոյեանն ալ դիմատետրեան իր էջին յայտնած է, որ ղազախական ծագման ցորենը նոյնպէս ճանապարհին է եւ մօտ օրերս պիտի հասնի Հայաստան՝ կրկին Ատրպէյճանի տարածքով։
Հոկտեմբեր 21-ին Ասթանայի մէջ Ղազախստանի նախագահ Քասիմ Ժոմարթ Թոքաեւի հետ հանդիպման Ատրպէյճանի նախագահ Իլհամ Ալիեւը յայտարարած էր, որ Ատրպէյճանը հանած է դեպի Հայաստան բեռերու տարանցման բոլոր սահմանափակումները, որոնք կը գործէին բռնագրաւման ժամանակէն։
Հայաստանի տնտեսութեան նախարար Գէորգ Պապոյեանը հոկտեմբեր 21-ին յայտնած է, որ շուտով Աքթաու-Պաքու, այնուհետեւ ատրպէյճանական ու վրացական երկաթգիծով Հայաստան պիտի մտնէ ղազախական ցորենի առաջին խմբաքանակը։
Հոկտեմբեր 26-ին Ռուսիոյ փոխվարչապետ Ալեքսէյ Օվերչուքը յայտնած էր, որ Պաքուն պատրաստ է թոյլատրելու ռուսական արտադրանքի տարանցումը Հայաստան։
