9.09c
Երեվան
շբթ, ապր 05
Հայաստանի տրամադրած ականապատ տարածքներու քարտէզներու ճշգրտութիւնը կազմած է 25 տոկոս: Այս մասին Envoy ամսագրին տուած հարցազրոյցին ըսած է Ատրպէյճանի արտաքին գործոց նախարարութեան մամուլի քարտուղար Այխան Հաճիզատէն։
«Միջազգային ճնշումներէն ետք Հայաստանը տրամադրեց որոշ քարտէզներ, բայց ատոնք ընդամէնը 25 տոկոսով ճշգրիտ էին: Վերջին դէպքերու (ականներու պայթումներու) աւելի քան 55 տոկոսը տեղի ունեցած է այդ քարտէզներուն մէջ չընդգրկուած տարածքներուն մէջ», -նշած է Հաճիզատէն՝ նշելով, որ Հայաստանի քարտէզները ցոյց կու տան մօտ 400 հազար ականներու տեղակայման վայրերը, սակայն իրական թիւը, անոր խօսքով, մօտ 1,5 միլիոն է։
«Ականներու հարցով Հայաստանի այս մօտեցումը եւս մէկ ետքայլ է յետբախումային շրջանին տարածաշրջանին մէջ խաղաղութեան եւ վստահութեան ամրապնդման միջոցառումներու ուղղութեամբ»,- ընդգծած է ան՝ նշելով, որ Պաքուն կ՚ակնկալէ, որ «Երեւանը տրամադրէ բոլոր ականապատ տարածքներու ճշգրիտ քարտէզները, որ պիտի ապահովէ ներքին տեղահանուածներու անվտանգ վերադարձը եւ տուժած շրջաններու վերակառուցումը»։
