18.66c
Երեվան
չրք, հնս 24
Հայաստանի Հանրապետութեան արտաքին գործոց նախարար Արարատ Միրզոյեան 19 սեպտեմբերէն Նիւ Եորքի մէջ պիտի մասնակցի ՄԱԿ-ի Գլխաւոր վեհաժողովի 77-րդ նստաշրջանի բարձրաստիճան հատուածին։ Տեղեկութիւնը յայտնած է ՀՀ ԱԳՆ մամուլի ծառայութիւնը։
Նշուած է, որ Արարատ Միրզոյեան 30–է աւել հանդիպումներ պիտի ունենայ գործընկեր պետութիւններու արտաքին գերատեսչութիւններու ղեկավարներու եւ միջազգային կազմակերպութիւններու բարձրաստիճան պաշտօնեաներու հետ։
Միաւորուած ազգերու կազմակերպութիւնը (ՄԱԿ) հիմնադրուած է 1945 թուականին: Այն միջազգային կազմակերպութիւն է, որուն ներկայիս կ'անդամակցին 193 պետութիւն:
Աւելցնենք, որ Գլխաւոր վեհաժողովի որոշումները կը կրեն խորհրդատուական բնոյթ։
