Արաբական լիկայի գլխաւոր քարտուղար Ահմատ Ապուլ Ղէյթ. «Արաբական երկիրները միասնական դիրքորոշում ունին ուքրանական հակամարտութեան հարցով»:
Արեւմուտքը ճնշում կը գործադրէ արաբական երկիրներուն վրայ` պահանջելով դէմ քուէարկել Ռուսիոյ` Ուքրանիոյ մէջ տեղի ունեցող յատուկ գործողութեան առումով: Այս մասին յայտարարած է Արաբական լիկայի գլխաւոր քարտուղար Ահմատ Ապուլ Ղէյթ:
«Արեւմտեան աշխարհը մեր վրայ ճնշում կը գործադրէ. «Քուէարկեցէ՛ք մեզի հետ, դէ՛մ հանդէս եկէք ռուսական դիրքորոշման, դատապարտեցէ՛ք զայն», ըսած է լիկայի գլխաւոր քարտուղարը:
Ան նշած է, որ արաբական երկիրները միասնական դիրքորոշում ունին ուքրանական հակամարտութեան հարցով, եւ ընդգծած է. «Յոյսով եմ, որ արաբական պետութիւնները կը յաջողին պահպանել իրենց անվտանգութիւնը, եւ հակամարտութիւնը չ'ազդեր տարածաշրջանային կայունութեան վրայ»: