Արաբական լիկայի ընդհանուր քարտուղար՝ Ահմետ Ապուլ Ղէյթ յայտնեց, որ արաբ արտաքին գործոց նախարարներու խորհրդակցական ժողով մը պիտի գումարուի Պէյրութի մէջ շաբաթ, 2 Յուլիս, 2022-ին:
Ապուլ Ղէյթ նշեց, որ ժողովին ընթացքին պիտի քննարկուին այս տարուան Նոյեմբերի սկիզբին Ալճերիոյ մէջ տեղի ունենալիք Արաբական լիկայի վեհաժողովին վերաբերող հարցեր եւ թղթածրարներ:
Այս շրջագիծին մէջ, Ապուլ Ղէյթ չբացայայտեց այն հարցերն ու թղթածրարները, որոնց մասին քննարկում պիտի կատարուի, յատկապէս Արաբական լիկային մէջ Սուրիան իբրեւ անդամ ընդունելու թղթածրարը:
Ապուլ Ղէյթ յայտնեց, որ Ալճերիոյ մէջ Արաբական լիկայի վեհաժողովը տեղի պիտի ունենայ 1 եւ 2 Նոյեմբեր 2022-ին:
Նշենք, որ 2020-ին եւ 2021-ին վեհաժողովը տեղի չունեցաւ «Քորոնա»-ի համաճարակին պատճառով:
Լուրը՝ «Ազդակ»էն: