0.09c
Երեվան
կրկ, դկտ 22
Հայ բարերար Ասատուր «Ասօ» Օ. Դաւիթեանի առանձնատունը Մասաչուսեթսի Պերքշիրի կեդրոնին մէջ վաճառքի հանուած է 12,5 միլիոն տոլարով, յայտնած է Mansion Global-ը։
Դաւիթեանը պաղ պատերազմի փախստական էր, որ 1961 թուականին Պէյրութէն գաղթեց Նիւ Եորք ու 1969 թուականին հիմնադրեց SyncSort-ը՝ երկրի առաջին ծրագրային ապահովման ընկերութիւններէն մէկը: Ան հաւատարիմ մնաց իր հայկական արմատներուն՝ հիմնելով «Դաւիթեան» հիմնադրամը, որ կրթաթոշակներ կը տրամադրէ ծագումով հայ եւ պուլկարացի ուսանողներուն ու սկսելով հայ պետական ծառայողներու վերապատրաստման ծրագիր՝ Թաֆթս համալսարանի Մետֆորտի մէջ, Մասաչուսեթս նահանգի Ֆլեթչերի իրաւունքի եւ դիւանագիտութեան դպրոցին մէջ: Դաւիթեանը կեանքէն հեռացաւ 2020 թուականի ապրիլին։ Ան 80 տարեկան էր։
Անոր տունը առաջին անգամ է կը վաճառուի։ «Դուք կը զգաք, որ շքեղ վայրի մէջ էք», -ըսած է William Pitt/Julia B Fee Sotheby’s International Realty-ի աշխատակից Փաթրիս Մելուցոն։ «Այն կառուցուած է 1993 թուականին, բայց կը պահպանէ 1915 թուականին կառուցուած տան ողջ շքեղութիւնն ու յարդարանքը»։ «Սա անհաւանական շէնք է, անհաւանական տուն», - նշած է ան:
Մելուցոյի խօսքերով՝ կալուածքի լայնածաւալ քարաշինութիւնը կը ներառէ քարէ պատ փողոցի դիմաց, բաց պատշգամբներ, լողաւազան եւ այգիներ։
Ճարտարապետական լուծումները կը ներառեն շքեղ կեդրոնական սանդուղք, տաքցող փայտեայ յատակներ, լայնածաւալ ատաղձագործութիւն, դասական ոճի կաղապարներ եւ երեսպատումներ, ներքին սիւներ, օվալաձեւ ճաշասենեակ եւ վառ բնական լոյսով արեւի դահլիճ:
Երկրորդ յարկին վրայ կայ երեք ննջասենեակ, ներառեալ գլխաւոր ննջասենեակը, որ ունի առանձին գրասենեակ, խոհանոց, ննջասենեակ՝ բուխարիով եւ ներկառուցուած պահարաններով հանդերձարան։
Ստորին յարկին մէջ կայ մետիա սենեակ, հայելապատ մարզասրահ, գինիի պահոց, փոքրիկ խոհանոց, գրադարան եւ լողաւազանի համար հանդերձարան:
