«Ամէն ձեւով կը փորձենք հասնիլ մեր հայրենակիցներուն հետ» Պատ. Ներսէս Կէտիքեան

 «Ամէն ձեւով կը փորձենք հասնիլ մեր հայրենակիցներուն հետ» Պատ. Ներսէս Կէտիքեան

 Պատ. Կէտիքեան նաեւ ըսած է, որ իր շփումներուն ընթացքին զգացած է, որ բոլոր հայրենակիցները մեծ յոյս ունին, որ այս պատերազմը արագօրէն կը դադրի եւ իրենք արագօրէն կը վերադառնան իրենց օճախները։

 

«Ամէնօրեայ դրութեամբ կապի մէջ ենք Վառնա ժամանած մեր հայրենակիցներուն հետ» այսօր այսպէս արտայայտուած է Վառնայի Հայ Աւետարանական Եկեղեցւոյ հոգեւոր հովիւ Պատ. Ներսէս Կէտիքեան։

Պատուելին, որ խօսած է «Արեւելք»ին նաեւ նշած է, որ համայնքը կարեւոր ճիգեր կը գործադրէ օժանդակելու համար այն ուքրանահայերուն, որոնք պատերազմէն խոյս տալով հասած են Պուլկարիա։ 

Ան իր խօսքի ընթացքին շնորհակալութեան յատուկ խօսք ուղղած է Ամերիկայի Հայ Աւետարանչական Ընկերակցութեան (ԱՀԱԸ-AMAA), առանց որուն նուիրական նեցուկին կարելի պիտի չըլլար օժանդակութեան ձեռք մեկնել ուքրանահայ մեր հայրենակիցներուն։

 Պատ. Կէտիքեան նաեւ ըսած է, որ իր շփումներուն ընթացքին զգացած է, որ բոլոր հայրենակիցները մեծ յոյս ունին, որ այս պատերազմը արագօրէն կը դադրի եւ իրենք արագօրէն կը վերադառնան իրենց օճախները։

 Սագօ Արեանին տրուած Պատ. Ներսէս Կէտիքեանի հարցազրոյցն ամբողջութեամբ կարող էք դիտել ՝ Arevelk.am Youtube-եան ալիքով այստեղ, ինչպէս նաեւ «Արեւելք»ի ընկերային ցանցի բոլոր հարթակներով։