18.09c
Երեվան
չրք, սպտ 09
ԱՄՆ հաստատուած գրող Վահէ Պէրպէրեան իր Ֆէյսպուքեան էջին գրառում մը կատարելով ներկայացուցած է 2016 տարուան համար իր համար առաջնահերթութիւն եղող «տասնաբանեայ» մը: Ստորեւ կը ներկայացնենք այդ «տասնաբանեայ» ծրագիրը:
1- Անընդհատ կարդալ. կարդալ բոլոր տեսակի գիրքեր, սակայն երբեք չդադրեցնելով կարդալ գեղարուեստականը: Լաւ գեղարուեստականը կ'ընդլայնէ միտքը եւ կը հարստացնէ երեւակայութիւնը:
2-Երբեք չդադրեցնել հարցեր տալը (հարցադրումներ ընելը) եւ երբեք վախ չունենալ կասկածելէն: Հեռու մնալ այն մարդոցմէ, որոնք ամէն ինչին մէջ վստահ են:
3- Սիրած մարդոց առանց վարանելու յայտնել զիրենք սիրելուդ մասին:
4-Հաւատալ, երբ մարդիկ ըսեն, որ կը սիրեն ձեզ, այլապէս դժբախտ պիտի ըլլաս:
5-Օգտագործել հնարաւորութիւնները: Չվախնալ նորէն եւ չընդունուածէն (անծանօթէն):
6-Միշտ սեղանէն հեռանալ քիչ մը անօթի. դուն աւելի պակաս սնունդի պէտք ունիս, քան կը կարծես:
7-Երբեմն աւելի լաւ է քաղաքավար ըլլալ, քան ապացուցել, որ դուն իրաւացի ես:
8-Յիշել, որ ամէն ինչ՝ լաւ թէ վատ, վերջ մը ունի:
9-Կրնաս ամէն ինչի մէջ կատակ (ծիծաղելին) գտնել. միակ հարկաւորը նոյն դրութեան այլ տեսանկիւնէ նայիլն է:
10-Եթէ կայ որեւէ բան, որ կ'ուզես օր մը իրականցնել, այսօր ըրէ՛, որովհետեւ այդ «օր մը»ն կրնայ չգալ:
Պիտի մոռնայի. աւելի քիչ ժամանակ անցընել այդ տխմար հեռախօսիդ հետ:
