12.09c
Երեվան
չրք, սպտ 09
Ֆրանսիայում ապրող հասարակական գործիչ, Ֆրանսիայի Հայկական միության փոխնախագահ Մացակ Փոլադյանը, խոսելով Ֆրանսիայում տեղի ունեցած ահաբեկչության մասին, ասաց, որ այն, ինչ տեղի ունեցավ անցյալ ուրբաթ օրը Փարիզում, սպասելի էր: «Անձամբ ես անակնկալի չեմ եկել տեղի ունեցածից: Դեպքերն ու հանգամանքները տանում էին դրան: Ես բազմիցս, թե' իմ ֆրանսացի ընկերներին, թե' հայերին ասել եմ, որ նման բան է սպասվում երկրում: Եթե ես, որպես մի պարզ քաղաքացի, այդքանը կանխազգում էի, ապա հարց է առաջանում` ո՞ւր էին պետական ապահովական կառույցները. կամ լավ չէին աշխատում, կամ ի վիճակի չէին կանխարգելելու, կամ էլ գիտեին ու թողեցին, որ տեղի ունենա այն, ինչ տեղի ունեցավ»,-«Արեւելքի» հետ զրույցում ասաց Մացակ Փոլադյանը: Մեր զրուցակիցը նշեց, որ ինչպես պատմության բոլոր փորձություններից, այս փորձությունից նույնպես Ֆրանսիան դուրս է գալու մեծ պատվով և հաղթանակած:
«Քաջածանոթ լինելով ֆրանսիական պատմությանը և ֆրանսիացի ժողովրդին, ազգին, չկասկածեք, Ֆրանսիայի հանրապետությունն իսլամիստներին խեղդելու է արյան ծովում: Իսկ ով կասկածում է, թող հետադարձ հայացք նետի Ֆրանսիայի պատմությանը և տեսնի հնագույն այս երկրի անցյալը:
Ֆրանսիան դեռ սգի մեջ է: Սգից դուրս գալուց հետո երկրում և երկրից դուրս լայնածավալ գործողություններ են իրականացվելու: Չեմ ուզում մտնել մանրամասնությունների մեջ, թե այս իսլամիստ բաշիբոզուկների ետևում ո՞վ է կանգնած, ո՞վ է նրանց թիկունքը, որտեղից են ֆինանսավորվում եւ այլն: Ֆրանսիական հզոր պատմություն ու մշակույթ ունեցող պետությունը չի կարող պարտվել այս մարդանման արարածներին»,-նշեց մեր զրուցակիցը, ավելացնելով, որ պատմության բոլոր հանգրվաններում գտնվել են մարդիկ, ովքեր պայքարել են հանուն ազատ, անկախ ու խաղաղ Ֆրանսիայի, և այսօր էլ կան այդպիսիք:
