9.09c
Երեվան
կրկ, մրտ 29
Ստամբուլում է հայտնի հայ գործարար Ռուբեն Վարդանյանը, կնոջ` «UWC Dilijan» դպրոցի համահիմնադիր եւ տնօրենների խորհրդի նախագահ Վերոնիկա Զոնաբենդի հետ: Նրանք աջակցել են Ստամբուլի 14-րդ բիենալեում այս տարի ընդգրկված հայկական ծրագրի իրագործմանը: Ստամբուլում Ռուբեն Վարդանյանը հայտարարել է, թե կարեւոր է Ցեղասպանության 100-րդ տարելիցի տարուն մասնակցել նման հեղինակավոր բիենալեի, այն երկրում, որի նախնիները եղել են հայոց ցեղասպանությունն իրագործողները: Բիենեալեում հայկական տաղավարը ներկայացնելու է արվեստի միջոցով քաղաքական ցավոտ հարցերը մեղմելու մոտեցումներ: Հայաստանից մասնակցում են ժամանակակից արվեստագետներ:
Ստամբուլի 14-րդ բիենալեն այս տարի անցկացվում է «Ծովային աղի ջուր. մտապատկերների տեսություն» խորագրով: Ցուցադրությունը տեղի է ունենալու Բոսֆորի երկու ափերին, բիենալեն բացվելու է սեպտեմբերի 5-ին՝ գործելով մինչեւ նոյեմբերի 1-ը: Այս տարվա բիենալեն համադրել է ժամանակակից արվեստի միջավայրում հայտնի համադրող Կարոլին Քրիստով-Բակարջիեվը:
