5.09c
Երեվան
կրկ, նմբ 24
Եգիպտոս- («Ալ Հայաթ» Լոնտոն) Եգիպտոսի նախագահ Զօր. Ապտըլ Ֆաթթահ Ալ Սիսի երէկ բացումը կատարեց Սուէզի վերանորոգուած ջրանցքին: Սիսի բացման հանդիսութեան խօսք մը արտասանելով ջրանցքին բացումը համարած է յաղթանակ ՝ ահաբեկչութեան դէմ: Եգիպտոսի նախագահը նոյնպէս վստահեցուցած է, թէ իրենք պիտի շարունակեն պայքարիլ ահաբեկչութեան դէմ: Լոնտոն հրապարակաուող «Ալ Հայաթ» թերթը, որ այս մասին գրած է նաեւ նկատել տուած է, որ Սիսի միջոցառման մասնակցած է զինուորական տարազով, բան մը ուշադրութիւնը գրաւած է միջոցառման մասնակից շուրջ 30 երկիրներու ղեկավարներուն: Նշենք, որ հանդիսութեան մասնակցած է Ֆրանսայի նախագահ Ֆրանսուա Հոլլանտ, Յորդանանի Ապտալլա Բ.ն Թագաւոր, Քուէյթի Ալ Ժապէր իշխան, Պահրէյնի Շէյխ Համատ Պըն Իսա իշխան, Պաղեստինի նախագահ Մահմուտ Ապպաս, Եմէնի նախագահ Ապըտ Րապու Մանսուր Հատի եւ Սուտանի նախագահ Օմար Հասան Ահմատ Ալ Պաշիր: Ներկաներուն մէջ եղած է նաեւ Ռուսիոյ վարչապետ Տիմիթրի Մէտվէտէւ ինչպէս նաեւ Լիբանանի վարչապետ Թամմամ Սալամ:
