-0.91c
Երեվան
երկ, դկտ 23
Թրքական իշխանութիւնները Գերմանիոյ պաշտպանութեան նախարարութեան խորհրդականին եւ անոր հետ մեկնող պատգամաւորներու պատուիրակութեան չեն թոյլատրած մուտք գործել Ատանա քաղաքի մէջ տեղակայուած «Ինճիրլիք» ռազմակայան: Այս մասին կը տեղեկացնէ «Sabah»ը, նշելով, որ պատուիրակութեան այցի օրակարգը չհաստատելու եւ թոյլտուութիւն չտալու պատճառը Գերմանիոյ խորհրդարանի կողմէ Հայոց ցեղասպանութեան մասին օրինագծի ընդունումն է:
«Այս որոշմամբ պաշտօնական Անգարան ցոյց կու տայ, որ գերմանացի քաղաքական գործիչներու այցը «Ինճիրլիք» անցանկանալի է»,- կը գրէ «Sabah»-ը:
Գերմանացի զօրավար Տիեթըր Վարնեքէն Գերմանիոյ պաշտպանութեան յանձնաժողովի նիստին նոյնպէս նշած է, որ այցի չեղարկման հիմնական պատճառը Հայոց ցեղասպանութեան մասին օրինագիծի ընդունումն է Գերմանիոյ կողմէ:
«Bild» թերթը իր հերթին նշած է, որ Թուրքիոյ արտաքին գործոց նախարարութիւնը հաղորդագրութիւն յղած է Անգարայի մէջ գտնուող գերմանական դեսպանատան, ուր նշած է, որ ռազմակայան կարնան այցելել գերմանացի զինուորներն ու թեխնիքական անձակազմը, իսկ Գերմանիոյ պաշտօնատար անձինք, պատուիրակութեան կազմի մէջ գտնուող պատգամաւորները այդ իրաւունքը չունին:
Յիշեցնենք, որ նախապէս գերմանացի լրագրողներուն նոյնպէս չէին թոյլատրած մտնել Ինճիրլիքի ռազմակայն:
