17.09c
Երեվան
երք, հլս 08
«Թիւֆէնքճեան հիմնադրամ»-ի միջոցներով, 28 մարտին, Արցախի ազատագրուած Միջնաւան քաղաք հասան վերաբարձ մեքենաներ, շրջանի գիւղացիներուն երկրագործական աշխատանքներուն օգնելու համար։ «Արեւելք»ին այս մասին յայտնեցին «Թիւֆէնքճեան հիմնարկ»էն:
Մեքենաները Արաքսի ափին գտնուող Արցախի վերոնշեալ ազատագրուած տարածքի հողերը պիտի հարթեցնեն, մաքրեն և ցանքի պատրաստեն։ Միջնաւան հաստատուած գիւղացիները այդ հողերուն վրայ ցորեն, գարի և եգիպտացորեն պիտի ցանեն։ Համայնքը ունի 480 հեքթար անջրդի և 327 հեքգար ոռոգելի վարելահողեր։
Նշենք, որ 8 օգոստոսին 1995-ին Միջնաւանը վերաբնակեցումը սկսած է 15 հոգիով: Այսօր Միջնաւանի մէջ կ՚ապրի 123 ընտանիք, 483 հոգի։ Բնակչութիւնը կը զբաղի գիւղատնտեսութեամբ անասնապահութեամբ և հողագործութեամբ։
Քաղաքի միջնակարգ դպրոցին մէջ կ՚ուսանի մօտ 80 աշակերտ։
Միջնաւանի մէջ կը գտնուի համանուն անունով երկաթուղային կայարան, որով կ՚անցնի այժմ չգործող Ջուղա-Հորադիզ և Միջնաւան-Կապան երկաթուղային ճիւղերը։
