4.09c
Երեվան
երկ, դկտ 23
Ամերիկահայ յայտնի հեռուստաաստղ Քիմ Քարտաշեան, որ վերջերս ներկայացուցած էր սեփական արտադրութեան նոր օծանելիք՝ Crystal Gardenia Citrus-ը, 6 օրերու ընթացքին 14 միլիոն տոլար վաստակած է անոր վաճառքէն:
Ինչպէս tert.am-ի հաղորդմամբ կը նշէ The Daily Mail-ը, 36-ամեայ հեռուստաաստղը ընկերային ցանցերու մէջ շնորհակալութիւն յայտնած է իր երկրպագուներուն նման նուիրուածութեան համար:
Հետաքրքրական է, որ 6 օրուան մէջ վաճառուած է նոր անուշահոտի ամբողջ խմբաքանակը՝ 300.000 սրուակ:
«Ձեր վստահութիւնը ինծի համար մեծ պատիւ է»,-Instagram-ի մէջ հրապարակած տեսանիւթին մէջ ըսած է Քարտաշեան՝ աւելցնելով, որ մօտ ժամանակները վաճառքի պիտի յայտնուի օծանելիքի նոր խմբաքանակ:
Կը նշուի, որ Քարտաշեանի օծանելիքի գինը, կախուած սրուակի տարողունակութենէն, 35-60 տոլարի մէջ կը տատանի:
