-0.91c
Երեվան
կրկ, դկտ 22
Փարիզի ոստիկանութիւնն այս առաւօտ ընդհարում ունեցած է ահաբեկչական խմբակի մը անդամներուն հետ: ԱՖՓ այս մասին հաղորդելով կը յայտնէ, որ մասնայատուկ ուժերու պատկանոող ոստիկաններ խուզարկում կատարելու նպատակով հասած են Փարիզի արուարձան համարուող Սէն Տընի շրջանը: Ըստ ոստիկանութեան աղբիւրներուն, վտանգաւոր ահաբեկիչներ եղած են այն տան մէջ, ուր ոստիկանութիւնը կը փորձէր ներխուժել: Գրանցուած կրակոցներէն ետք ահաբեկիչ կին մը ինքզինք պայթեցուցած է պատճառ դառնալով ոստիկաններու վիրաւորման: Սպաննուած են երեք կասկածելիներ, որոնց ինքնութիւնը մինչեւ այս պահը չէ պարզուած: Քիչ առաջ հաղորդուեցաւ, որ Փարիզի յարձակումներուն գլխաւոր պատասխանատու եւ կազմակերպիչ համարուող Ապտըլ Համիտ Ապահուտ կը գտնուի Սան Տընի շրջանին մէջ եղող մէկ յարկաբաժնին մէջ եւ ան պաշարուած է ոստիկանութեան կողմէ:
