9.09c
Երեվան
շբթ, ապր 05
Պարոյր Յովհաննիսեանն ազատուած է ՀՀ արտաքին գործոց նախարարի տեղակալի պաշտօնէն։ Համապատասխան որոշումն այսօր ստորագրած է ՀՀ վարչապետ Նիկոլ Փաշինեանը։
«Ղեկավարուելով «Հանրային ծառայութեան մասին» օրէնքի 9-րդ յօդուածի 1-ին մասով՝ Պարոյր Յովհաննիսեանին ազատել արտաքին գործերի նախարարի տեղակալի պաշտօնից»,–ըսուած է որոշման մէջ:
Յիշեցնենք, որ Յովհաննիսեանը ՀՀ արտաքին գործոց նախարարի տեղակալ նշանակուած է 2021-ի նոյեմբեր 9-ին:
Ան 2016-2021 թուականներուն եղած է Եւրոպայի խորհուրդի մէջ ՀՀ մշտական ներկայացուցիչ։ Մինչ այդ` 2011-2012 թուականներուն, եղած է ՀՀ տնտեսութեան նախարարի Եւրոպական Միութեան հարցերով խորհրդական։
