4.09c
Երեվան
հնգ, հկտ 03
Գալիֆորնիոյ մէջ պիտի նշուի Կիպրոսի Մելգոնեան վարժարանի 90-ամեակը: Այս մասին «Արեւելք» տեղեկութիւն ստացաւ Գալիֆորնիոյ «Մելգոնեան Վարժարանի Սանուց Միութեան» Գալիֆորնիոյ մասնաճիւղի մօտիկ կանգնող աղբիւրէ մը: Ըստ մեր տուեալներուն հանդիսութիւնը պիտի կայացուի յառաջիկայ Կիրակի 17 Յունուարին Փասատէնայի Հայ Առաքելական Սուրբ Գրիգոր Լուսաւորիչ եկեղեցւոյ մէջ: Տեղի պիտի ունենայ հոգեհանգստեան պաշտօն, որուն աւարտին ներկաները մասնակից պիտի ըլլան յաւուր պատշաճի հանդիսութիւն մը ոգեկոչելու համար Մելգոնեան վարժարանի Գրիգոր եւ Կարապետ Մելգոնեան եղբայրներու յիշատակը եւ նշելու վարժարանի հիմնադրման 90-րդ տարեդարձը: Նշենք, որ Հայ Բարեգործական Ընդհանուր Միութեան հովանաւորութեամբ գործող Նիկիսոյ Մելգոնեան վարժարանը աշակերտութեան առջեւ իր դռները փակած էր Յունիս 2005-ին:
