23 Մարտին Մալիի կեդրոնական մասի բնակելի շրջաններէն մէկուն մէջ զինուած յարձակման հետեւանքով ֆուլպէ ցեղի առնուազն 134 ներկայացուցիչ զոհուած է, կը հաղորդէ Reuters գործակալութիւնը: Աւելի վաղ հաղորդուած էր 110 զոհի մասին: Զոհերու շարքին կան յղի կիներ, երեխաներ եւ մեծահասակ:
Որոշ լրատուամիջոցներու պնդմամբ՝ յարձակման կազմակերպիչները տոկոն ցեղի ներկայացուցիչներն են: Սա վերջին տարիներու ամենաարիւնահեղ յարձակումներէն մէկն է, որ տեղի ունեցած է ՄԱԿ-ի Անվտանգութեան խորհուրդի պատուիրակութեան՝ Մալիի մէջ գտնուելու ժամանակ:
Պատիրակութեան այցի նպատակը անցած տարի երկրին մէջ հարիւրաւոր մարդոց կեանք խլած եւ Արեւմտեան Ափրիկէի Սահէլ շրջանին մէջ տարածուող բռնութիւններու ալիքը դադրեցնելու միջոցներ փնտռելը եղած է:
Պատուիրակութեան անդամները դատապարտած են յարձակումը եւ մէկ վայրկեան լռութեամբ յարգած զոհերու յիշատակը: