30.09c
Երեվան
երք, հլս 08
Հակառակ վարչապետ Սաատ Հարիրիին կողմէ երէկ ներկայացուած հրաժարականին, այս առաւօտ կարգ մը գլխաւոր ճանապարհներ կը շարունակեն մնալ փակ։
Այս մասին գրած է Lebanon Debate կայքը՝ յղում կատարելով երկրի ներքին գործոց նախարարութեան ճանապարհային անվտանգութեան հիմնարկի դվիթըրեան էջին:
Ըստ այդ աղբիւրին, այս առաւօտ փակ են Ժալ Էլ Տիպի, Շէվրոլէյի, ինչպէս նաեւ Էշրէֆյէ շրջանի Պըրժ Ալ Ղազար բոլորակի ճամբաները։
Կը նշուի նաեւ, որ ցուցարաները վճռած են այսօր եւս շարունակել իրենց բողոքի գործողութիւնները ու երեկոյեան ժամերուն հաւաքուիլ ՝ Պէյրութի կեդրոնական հրապարակներ։
Լրատուական աղբիւրներ նոյնպէս կը յայտնեն, որ այսօր աւելի պարզ պիտի դառնայ երկրի ընդհանուր պատկերը եւ ցուցարարները այսօր աւելի յստակ ձեւով պիտի ներկայացնեն իրենց առաջիկայ քայլերը։
