29.09c
Երեվան
չրք, հլս 30
Եգիպտոսի մայրաքաղաք Գահիրէի կեդրոնը գտնուող հեռահաղորդակցութեան գլխաւոր շէնքին մէջ հրդեհի հետեւանքով զոհուած է 4 մարդ, աւելի քան երկու տասնեակ մարդ վիրաւոր է։
Ինչպէս հաղորդած է «Արմէնփրէս»-ը՝ վկայակոչելով Associated Press լրատուական գործակալութիւնը, այս մասին յայտնած է Եգիպտոսի առողջապահութեան նախարարութեան խօսնակ Հուսամ Ապտ ալ-Ղաֆֆարը։
Մահացածները Telecom Egypt-ի աշխատակիցներ եղած են։ Իսկ 26 վիրաւորները հիմնական տուժած են ծուխի հետեւանքով։
Կապի նախարարութեան տուեալներով՝ հրդեհը սկսած է շէնքի յարկերէն մէկուն մէջ, ուր տեղակայուած են կապի սպասարկման սարքերը, որմէ ետք սաստկութեան պատճառով սկսած է տարածուիլ միւս յարկերուն մէջ։
Հրդեհի հետեւանքով ժամանակաւորապէս ընդհատուած են համացանցն ու բջիջային կապի ծառայութիւնները։
