Լիբանանեան տրամայի ոսկեայ օրերու անուանի դերասաններէն՝ Միշէլ Թապէթ մահացած է «Քորոնա»ի հետեւանքով։
«Արեւելք» այս մասին տեղեկութիւն քաղեց՝ լիբանանեան լրասփիռներէ։
Թապէթ, որ կը համարուի «Թէլէվիզիոն լուպնան» պատկերասփիւռի պետական ալիքի առաջին սերունդի կարեւոր ներկայացուցիչներէն մին հանդէս եկած է ամենատարբեր դերերով, եւ յատկապէս ճանչցուած է տեսաշարերու մէջ իր ժխտական հերոսի, կամ վատ մարդու դերով։
Ճարտարութիւն եւ մեծ ունակութիւններ ունեցող դերասանը գործած է նաեւ Լիբանանի դերասաններու սենտիքայի շրջանակներուն մէջ ու ժամանակ մըն ալ դարձած է այդ սենտիքայի նախագահն ու ներկայացուցիչը։
Թապէթի մասնակցութեամբ եղած կարեւորագոյն տեսաշարերէն կարելի է յիշատակել՝ «Իպրահիմ էֆէնտի», «Տուար եա զաման» եւ «Ալ Թաղիյա» տեսաշարերը։
Թապէթ 92 տարեկան էր։
