1.09c
Երեվան
հնգ, նմբ 14
Հայաստանի մէջ ապրիլին կը կանխատեսուի անկայուն եղանակ։ Օդի ամսական միջին ջերմաստիճանը հանրապետութեան ամբողջ տարածքին կը կանխատեսուի նորմայէն 1 աստիճանով բարձր, իսկ տեղումներու առումով պակաս պիտի չզգացուի։ Տեղումներու քանակը նորմայէն աւելին պիտի ըլլայ։
Այս մասին «Արմէնփրէս»-ի մամուլի սրահին մէջ ասուլիսին ըսած է «Հիտրօօդերեւութաբանութեան եւ մոնիթորինգի (դիտարկման) կեդրոն»-ի տնօրէնի տեղակալ Գագիկ Սուրէնեան։
«Ասեմ, որ սովորաբար հանրապետութիւնում ապրիլին տեղումների նորման բաւական մեծ է։ Հիմա, եթէ մենք ասում ենք նորմայից շատ, ապա դա նշանակում է, որ պէտք է ակնկալել բաւական խոնաւ ապրիլ»,-ըսած է Գագիկ Սուրէնեան։
Ինչ կը վերաբերի ապրիլին սպասուող առաւելագոյն եւ նուազագոյն օդի ջերմաստիճաններուն, Գագիկ Սուրէնեան նշած է, որ որոշ օրերուն, երբ հանրապետութիւն կը ներթափանցեն արեւադարձային տաք օդային հոսանքներ, ցերեկային ժամերուն օդի առաւելագոյն ջերմաստիճանը պիտի հասնի՝ Շիրակ +18․․․+21-ի, Կոտայքի լեռնային գօտիներ՝ +18․․․+20 աստիճանի, Կոտայքի նախալեռներ՝ +22․․․+26-ի, Գեղարքունիք՝ +18․․․+21-ի, Լոռի՝ +18․․․+23-ի, Տաւուշ՝ +21․․․+26-ի, Արագածոտնի լեռնային գօտիներ +18․․․+20-ի, նոյն մարզի նախալեռնային հատուածներ մինչեւ +25-ի, Արարատեան դաշտ՝ մինչեւ +26-ի, Վայոց ձորի լեռներ՝ +18․․․+21-ի, նախալեռնային գօտիներ՝ +24․․․+26-ի, Սիւնիքի հովտային գօտիներ՝ մինչեւ +28․․․+30-ի, նոյն մարզի նախալեռնային հատուածներ՝ +20․․․+25 եւ Երեւան՝ մինչեւ +26 աստիճանի։
Ապրիլ ամսուն կը սպասուի, որ որոշ օրերուն հիւսիսային հատուածներէն հանրապետութիւն կը ներթափանցեն ցուրտ օդային հոսանքներ։ Այդ պարագային գիշերային ժամերուն նուազագոյն օդի ջերմաստիճանը կը կանխատեսուի Շիրակ՝ -7․․․-10, Կոտայքի լեռնային գօտիներ՝ -5․․․ -8 աստիճան, Կոտայքի նախալեռներ՝ 0․․․-2, Գեղարքունիք՝-6․․․-9, Լոռի՝ -2․․․-7, Տաւուշ՝ -2․․․+2, Արագածոտնի լեռնային գօտիներ՝ -5․․․-8, Արարատեան դաշտ եւ Վայոց ձորի նախալեռնային գօտիներ՝ 0․․․+2, Սիւնիքի հովտային գօտիներ +2․․․+5, նախալեռնային հատուածներ՝ 0․․․-5 եւ Երեւան մինչեւ 0․․․+2 աստիճան։
