-7.91c
Երեվան
շբթ, փտր 22
Հայաստանի մէջ ձիւնի պատճառով դէպի Վրաստանի հետ սահման տանող ճանապարհահատուածը փակ է բեռնատարներու համար։ Այս մասին յայտնած է Ճանապարհային բաժանմունքը։
Փետրուար 21-ի առաւօտեան ժամը 09:00-ի դրութեամբ 30 բնակավայրի մէջ ձիւն կը տեղայ։ Ատոնք են՝ Աբովեանը, Սեւանը, Գաւառը, Մարտունին, Իջեւանը, Նոյեմբերեանը, Ճամբարակը, Բերդը, Աշտարակը, Ապարանը, Արագածը, Վանաձորը, Ստեփանաւանը, Տաշիրը, Թալինը, Անին, Արթիկը, Ամասիան, Աշոցքը, Մասիսը, Արտաշատը, Արարատը, Եղեգնաձորը, Վայքը, Ջերմուկը, Սիսիանը, Գորիսը, Կապանը, Մեղրին։
Կցորդիչով եւ կիսակցորդիչով փոխադրային միջոցներու համար փակ են ճանապարհի հետեւեալ հատուածները` Ջերմուկի խաչմերուկէն Կապան տանող ճանապարհահատուածը, Վանաձոր-Դիլիջան, Վանաձոր-Թումանեան, Վանաձոր-Ստեփանաւան ճանապարհները, Ախուրեան-Բավրա հատուածը (ուր կը գտնուի Վրաստանի սահմանային անցակէտը), Նոյեմբերեան-Ոսկեպար-Ջուջեւան, Ուշիէն Ապարան, Դիլիջան, Տիգրանաշէն եւ Վարդենեանց լեռնանցքները։
Բուքի եւ ցած տեսանելիութեան պատճառով բոլոր տեսակի փոխադրային միջոցներու համար դժուարանցանելի են Լանջիկ-Ախուրեան, Ալագեազ-Ծիլքար, Ալագեազ-Գեղադիր ճանապարհահատուածները, ինչպէս նաեւ Արթիկի շրջանի մայրուղիները: Աշոցքի, Ամասիայի, Թալինի, Ախուրեանի, Գորիսի, Մեղրիի, Նոյեմբերեանի, Ապարանի, Հրազդանի, Աբովեանի ճանապարհներուն մերկասառոյց է։
Ինչպէս յայտնած են միջքաղաքային փոխադրումներ իրականացնող ընկերութենէն, Հայաստանէն Վրաստան ուղեւորափոխադրումները կ՚իրականացուին սովորական ռեժիմով։
