2.09c
Երեվան
ուրբ, փտր 27
«Հայաստան» դաշինքը հետեւեալ յայտարարութիւնը տարածած է․
«Կառավարութեան վերջին նիստում յայտարարուեց Սեպտեմբերի 21-ին Հանրապետութեան հրապարակում կազմակերպուող “մասշտաբային և գունագեղ տօնակատարութեան” մասին։
Անառարկելիօրէն, Սեպտեմբերի 21-ը մեր ազգային, պետական տօնացոյցի ամենարժէքաւոր օրերից է։ Ուղիղ երեսուն տարի առաջ՝ 1991 թ․ Սեպտեմբերի 21-ին, Հայաստանի ժողովուրդը քուէարկեց անկախ պետութիւն ստեղծելու օգտին:
Անցնող տարիները պետականաշինութեան, մեր յաղթանակներն ամ- րապնդելու ժամանակներ էին, եւ մեր հաւաքական ճիգն ուղղուած էր անցած ճանապարհն արժեւորելու, մեր բացթողումները խմբագրելու եւ համազգային կամքով արժանապատիւ ապագայ կառուցելու նպատակին։ Աւաղ, վերջին երեք տարիները եւ, յատկապէս, 44-օրեայ պատերազմը ոչ միայն խաթարեցին մեր պետականութեան ընթացքը, այլեւ անդառնալի մարդկային, ազգային-պետական կորուստների մատնեցին մեր հասարակութեանը՝ երկիրը կանգնեցնելով անորոշ ապագայի առջեւ։
Այսօր հազարաւոր զոհերի, խոցուած ինքնիշխանութեան, անվտանգային լրջագոյն մարտահրաւէրների, գերիների, համազգային չապաքինուած ցաւի մթնոլորտում “գունեղ տօնակատարութեան” մասին խօսելը կոռեկտ չէ: Այն անարգանք է մեր զոհերի յիշատակին եւ արդարացիօրէն յարուցել է հերոս տղաների ծնողների, ընտանիքի անդամների եւ մեր հասարակութեան վրդովմունքը։
Մենք չենք հրաժարւում մեր անկախութիւնն արժեւորելու խորհրդից, բայց դրա լաւագոյն դրսեւորումը պիտի լինէր մեր պետականութեան ամրագրումը, պետական եւ ազգային ինստիտուտների նկատմամբ իշխանութեան նախաձեռնած հետեւողական կազմաքանդման եւ նսեմացման արշաւի դադարեցումը, երկրում համերաշխութեան մթնոլորտի ձեւաւորումն ու սպառնալիքների իրական դիմագրաւումը։
Համոզուած ենք, որ Անկախութեան 30-ամեակի առիթով պետական յանձ- նաժողով ձեւաւորելու պայմաններում կարելի էր երկրում ստեղծուած բարոյահոգեբանական մթնոլորտին համարժէք համեստութեամբ արժեւորել տօնը։
«Հայաստան» դաշինքը, միաժամա- նակ, յայտարարում է, որ իր քաղա- քական ողջ կարելիութիւնները ծառայեցնելու է մեր պետականութեան ամրապնդմանն ու ազգային շահերի սպասարկմանը»։
