-5.91c
Երեվան
շբթ, մրտ 01
Գանատահայ մեր հայրենակից Արիս Պապիկեան փայլուն յաղթանակ մը գրանցելով վերընտրուած է Գանատայի Խորհրդարանի անդամ։
Այս մասին «Արեւելք» տեղեկութիւն ստացաւ Թորոնթոյի իր աղբիւրէն։
Կը նշուի, որ «Պահպանողական» կուսակցութեան ցուցակով առաջադրուած Արիս Պապիկեան գրանցած է փայլուն արդիւնք հաւաքելով 13,468 քուէ եւ ստանալով քուէներուն 49.2 տոկոսը։
Կը նշուի նաեւ, որ մեծ ուրախութեամբ ընկալուած է վերջինիս ընտրութիւնը, ոչ միայն հայկական համայնքին ու շրջանակներուն, այլ նաեւ շրջանի տարբեր համայնքներու եւ հաւաքականութիւններու կողմէ։
Մեր հայրենակիցին աւանդը մեծ է գանատահայ գաղութի կեանքին մէջ եւ ան տարբեր ժամանակներու մասնակցութիւն բերած է համայնքային կեանքի տարբեր մակարդակներու գործունէութեանց մէջ։
Նորանոր յաջողութիւններ Տիար Արիս Պապիկեանին։
