15.09c
Երեվան
երկ, սպտ 30
Կեսարիոյ Սուրբ Գրիգոր Լուսաւորիչ եկեղեցւոյ մէջ տեղի ունեցած է Սուրբ Ծննդեան յատուկ արարողութիւն` մասնաւորապէս Եոզկաթ հաստատուած հայերու nերկայութեամբ: Այս մասին տեղեկութիւնը ստացանք «Ժամանակ»ի խմբագիր Արա Գոչունեանէն: Գոչունեան նաեւ յայտնեց, որ արարողութեան համար յատուկ կարգադրութիւններ ըրած է Պոլսոյ Պատրիարքարանը: Եոզկաթ, Ամասիա եւ Կէսարիա հասած հայորդիներու հոծ բազմութիւն մը մասնակցած է արարողութեան, որմէ ետք հայորդիները եկեղեցւոյ պարտէզին մէջ առիթ ունեցած են միասնաբար հացկերոյթ մը ընել: «Ժամանակ»ի խմբագիրը «Արեւելք»ին այս մասին խօսելէ բացի, նաեւ հաղորդեց, որ գաղթական հայորդիներուն մէջ եղած է այդ շրջանը հասած կրթական մշակ մը, որ մօտենալով թերթի աշխատակից Արի Թաշին, վերջինէս խնդրած է իրեն տրամադրել հայերէն լեզուի այբբենարաններ՝ իր հովանաւորութեան տակ եղող երեխաներուն մայրենի լեզու ջամբելու համար: Նախապէս «Արեւելք» տեղեկութիւն փոխանցած էր Եոզկաթ հաստատուած հայերուն մասին, եւ ըստ մեր տուեալներուն՝ շուրջ 70 հայորդիներ ներկայիս կ'ապրին այդտեղ: Նշենք նաեւ, որ անոնց մէջ կան Իրաքի Մուսուլէն եւ այլ շրջաններէ Թուրքիա ապաստանած հայորդիներ:
