4.09c
Երեվան
կրկ, դկտ 22
Ֆրանսայի նախագահ Էմանուէլ Մաքրոնը կը կարծէ, որ Եւրոպան ունի մեծ թիւով արտաքին եւ ներքին թշնամիներ եւ «կրնայ մեռնիլ»։ Այս մասին գրած է ԹԱՍՍ-ը:
«Մենք երբեք այսքան արտաքին եւ ներքին թշնամիներ չենք ունեցած»,- ըսած է Մաքրոն՝ ելոյթ ունենալով Պերլինի մէջ Գերմանիոյ սահմանադրութեան 75-ամեակին նուիրուած միջոցառման։
«Ինչպէս նշած եմ քանի մը շաբաթ առաջ, Եւրոպան կ՚ապրի պահ մը, որմէ կախեալ է անոր գոյութիւնը, ես իսկապէս կը գտնեմ, որ մեր Եւրոպան կրնայ մեռնիլ», - ընդգծած է Ֆրանսայի նախագահը:
Անոր խօսքով՝ «Եւրոպայի համար այս դժուար պահը» կապուած է ուքրանական հակամարտութեան հետ։
«Ես նաեւ կը կարծեմ, որ մեր ժողովրդավարութիւնը տեսակ մը ճգնաժամի մէջ է, եւ մենք անձամբ այդ կը տեսնենք», -ըսած է Ֆրանսայի նախագահը:
Ան կը կարծէ, որ այս ճգնաժամի պատճառն ազգայնականութեան աճն է։
Ապրիլի վերջը Սորպոնի մէջ իր ելոյթի ժամանակ Ֆրանսայի առաջնորդը եւս մէկ անգամ զգուշացուցած էր, որ Եւրոպան «կրնայ մեռնիլ»։ Միաժամանակ ան ըսած է, որ ԵՄ-ն պէտք չէ «ԱՄՆ-ի վասալը» ըլլայ։
Մաքրոն կիրակի սկսած է պետական այցը Գերմանիա, որ պիտի տեւէ մինչեւ երեքշաբթի՝ մայիս 28-ը։ Սա Ֆրանսայի ղեկավարի առաջին պետական այցն է Գերմանիա՝ վերջին 24 տարուան ընթացքին։
