12.09c
Երեվան
հնգ, նմբ 07
Եւրոմիութիւնը (ԵՄ) ընդունած է Ռուսիոյ դէմ պատժամիջոցներու 14-րդ փաթեթը՝ ուղղուած ուժանիւթային, ֆինանսական եւ առեւտրային ոլորտներուն։ Այս մասին յայտնած է ԵՄ խորհուրդի պաշտօնական կայքը։
«Փաթեթը կը ներառէ սահմանափակող միջոցներ եւս 116 ֆիզիքական եւ իրաւաբանական անձի նկատմամբ»,- ըսուած է հաղորդագրութեան մէջ։
Եւրոմիութիւնը սահմանափակումներ մտցուցած է եւրոպական նաւահանգիստներով ռուսական հեղուկացուած բնական կազի տարանցման համար։ Ըստ ԵՄ խորհուրդի՝ միջոցառումներն ուղղուած են վաճառքէն եւ փոխադրումներէն Ռուսիոյ եկամուտներու կրճատման։
