9.09c
Երեվան
կրկ, փտր 22
«Անթոյլատրելի եւ անընդունելի եմ համարում ցանկացած ոտնձգութիւն Հայաստանի Հանրապետութեան սահմանների, տարածքային ամբողջականութեան եւ ինքնիշխանութեան, մեր քաղաքացիների կեանքի, նրանց ազատ եւ անվտանգ տեղաշարժի եւ բոլոր այլ հիմնարար իրաւունքների նկատմամբ»։ Այս մասին իր թելեկրամեան ալիքով գրած է ՀՀ նախագահ Արմէն Սարգսեանը։
«Ցանկացած ոտնձգութեան դէպքում համապատասխան պետական մարմինները եւ պաշտօնատար անձինք Սահմանադրութեամբ եւ օրէնքներով նախատեսուած իրենց լիազօրութիւնների շրջանակներում պարտաւոր են ձեռնարկել բոլոր միջոցները եւ օգտագործել բոլոր հնարաւորութիւնները՝ Հայաստանի Հանրապետութեան պաշտպանութիւնը, անվտանգութիւնը, տարածքային ամբողջականութիւնը եւ նրա սահմանների անձեռնմխելիութիւնը ապահովելու համար», գրած է ան։
