17.09c
Երեվան
չրք, ապր 29
Վերջերս Հայաստանի մէջ Արցախի Հանրապետութեան մշտական ներկայացուցչութեան կեդրոնին մէջ Արցախի արտաքին գործոց նախարար Սերգէյ Ղազարեանը հիւրընկալեց աւստրալահայ գիտնական, ցեղասպանագէտ Արա Քեթիպեանը, որ իր գործունէութեան վերջին տարիները ամբողջութեամբ նուիրած է Հայոց ցեղասպանութեան եւ Հայկական հարցին առնչուող շարք մը յօդուածներու ուսումնասիրութեամբ: Քեթիպեան այդ յօդուածները հաւաքած է ամերիկեան «Ուաշինկթըն Թայմզ», «Նիւ Եորք Թայմզ», «Լոս Անճելըս Թայմզ», «Շիքակօ Թրիպիուն» հեղինակաւոր թերթերէն եւ հրատարակած է տասնեակէ աւելի հատորներով:
Արցախի արտաքին գործոց նախարարութենէն տեղեկացուցին, որ Սերգէյ Ղազարեան շնորհակալութիւն յայտնած է Արա Քեթիպեանին եւ ընդգծած է անոր գիտական գործունէութեան խիստ պահանջուածութիւնը յատկապէս` ստեղծուած իրողութիւններուն մէջ, երբ Ազրպէյճան կը շարունակէ Արցախի մէջ իրականացնել ցեղային զտումներու, ցեղասպան գործողութիւններու քաղաքականութիւն:
Լրատւութիւնը՝ «Ազդակ»էն
