31.09c
Երեվան
չրք, հնս 26
Լիբանան- Մեծի Տանն Կիլիկիոյ Կաթողիկոս Արամ Ա. Վեհափառ Հայրապետ այսօր մասնակցած է Մարոնիներու Պքէրքէի պատրաիարքարանին մէչ կայացած միջ- քրիստոնէական արտակարգ նիստին: Վեհափառը ժողովէն ետք հակիրճ խօսք մը ուղղելով կարեւորած է երկրին նախագահ մը ընտրելու անհրաժեշտութիւնը եւ յոյս յայտնած, որ յատկապէս քրիստոնեայ ուժերը կարեւոր ճիգեր կը գործադրեն նախագահի ընտրութեան յաջողութեան համար: Նշենք, որ ժողովը կազմակերպուած էր Մարոնիներու Մար Պշշարա Պութրոս Ռահի Կարտինալին կողմէ: Ժողովին իրենց մասնակցութւնը բերած են Լիբանանի քրիստոնեայ գլխաւոր համայնքապետերը: Հայ Կաթողիկէ Գրիգոր- Պետրոս Ի. Պատրիարքը Հռոմ գտնուելու պատճառով բացակայած է սոյն ժողովէն: Յիշեցնենք, որ այսօր Պքէրքէյի մէջ կայանալիք ժողովը պիտի ըլլար համակրօնական իսլամ- քրիստոնեայ հոգեւոր առաջնորդներու ժողով մը, բայց վերջին պահուն ժողովը յետաձգուած էր: Պքէրքէ յարմար նկատած էր համակրօնական ժողովը դարձնել համա- քրիստոնէական եւ ժողովականները կարեւորութեամբ շեշտադրած էին Լիբանանի նախագահի ընտրութեան կայացման կարեւորութեան անյետաձգելիութեան վրայ:
