0.09c
Երեվան
երկ, դկտ 23
Ղազախստանի Ալմա Աթայի քաղաքին մէջ Հայաստանի Հանրապետութեան ԱԳ նախարար Արարատ Միրզոյեանի եւ Ատրպէյճանի Հանրապետութեան ԱԳ նախարար Ճէյհուն Պայրամովի բանակցութիւններն աւարտած են: Տեղեկութիւնը յայտնած է ՀՀ ԱԳՆ մամուլի ծառայութիւնը։
Նշուած է, որ բանակցութիւններու աւարտին նախարարները ողջունած են սահմանազատման հարցով առաջընթացը եւ այդ ուղղութեամբ ձեռք բերուած պայմանաւորուածութիւնները:
«Նախարարները եւ նրանց պատուիրակութիւնները շարունակել են «Հայաստանի եւ Ադրբեջանի միջեւ խաղաղութեան եւ միջպետական յարաբերութիւնների հաստատման վերաբերեալ» երկկողմ համաձայնագրի նախագծի շուրջ քննարկումները»,–նշուած է հաղորդագրութեան մէջ:
Կողմերը պայմանաւորուած են շարունակել բանակցութիւնները բաց հարցերու շուրջ, ուր դեռ կան տարաձայնութիւններ:
Այցի ընթացքին նախարարներն առանձին եւ երկկողմ ձեւաչափով հանդիպած են Ղազախստանի փոխվարչապետ, արտաքին գործերու նախարար Մուրաթ Նուրթլէուի հետ։
Միրզոյեանը շնորհակալութիւն յայտնած է ղազախական կողմին Հայաստանի եւ Ատրպէյճանի միջեւ բանակցութիւնները հիւրընկալելու համար։
